Phyllis Mbuthia & Sammy Irungu - Muheani Lyrics (Original - AFLEWO)

Phyllis Mbuthia & Sammy Irungu - Muheani Lyrics

Imanueli Ngai wa hakuhĩ na ithuĩ
Mũkwĩhoki ndarĩ hĩndĩ arĩ ahootwo
Ũmũkĩragia mĩkuru ya mathĩna
Ũkamũhe mũthenya wa gũkũngũiya

Na ithuĩ ciana ciaku nĩ tũkwĩhokete
Na kuona nĩ tuonete ũgĩtwĩka wega
Wee gũtarĩ mũndũ wĩnyararĩire
Wĩ mũrata ũtarĩ hĩndĩ ũnogaga

Best Collabo by S2 Square.

Mũheani, mũtugani
Ngumo ya mawĩko maku nĩ yũĩkaine
Kuuma o tene, nĩ tũiguĩte
O na rĩu ndũtigĩte gwĩkana wega

Nĩwe Ngai wa mũthenya o na ũtukũ
Mũrokia wa ngemi iria irokaga rũcii-inĩ
Mũthũithia riũa rĩa wega o hwaĩ-inĩ
Ũrathimaga mũthenya o na ũtukũ

Mwene gũtũũra guothe kũrĩa kwanatũũrwo
Nĩ njũĩ no ũtũrathime hĩndĩ ciothe
Tondũ ndathimi ciaku itikĩrĩ mahinda
Hĩndĩ ciothe ũtugi waku nĩ ũthereraga

Mũheani, mũtugani
Ngumo ya mawĩko maku nĩ yũĩkaine
Kuuma o tene, nĩ tũiguĩte
O na rĩu ndũtigĩte gwĩkana wega

Yaarĩ mĩaka mĩnini ya gweterera
Isiraeli magwetereire me ngombo
Nakuo guoko gwaku kwa ũhootani
Gũkĩmakũũra ũkombo-inĩ magakũgooce

O na ithuĩ ngoro ciitũ nĩ irakũgooca
Tondũ nĩ ũtũhete mwĩhoko baba
Wee guoko gwaku kũrĩ gwa kwĩhokwo
Mũno gũkĩra gũkĩa kwa rũcii-inĩ

Mũheani, mũtugani
Ngumo ya mawĩko maku nĩ yũĩkaine
Kuuma o tene, nĩ tũiguĩte
O na rĩu ndũtigĩte gwĩkana wega

Ngũria hihi wee ũnogete nĩ gweterera
Kaĩ ũngĩkĩmweterera gũkĩra Sarah
Sarah amwetereire nginya ũkũrũ-inĩ wake
Kĩmweterere tiga gũtara mahinda

Isaaka rĩataũrwo nĩ kuuga mĩtheko
Ngai athekirie Sarah ũkũrũ-inĩ wake
O nawe no arĩkwarahũrĩra mĩtheko
O nawe akũrokerie ngemi cia rũcii-inĩ

Mũheani, mũtugani
Ngumo ya mawĩko maku nĩ yũĩkaine
Kuuma o tene, nĩ tũiguĩte
O na rĩu ndũtigĩte gwĩkana wega

Mũheani, mũtugani
Ngumo ya mawĩko maku nĩ yũĩkaine
Kuuma o tene, nĩ tũiguĩte
O na rĩu ndũtigĩte gwĩkana wega